*مدرسہ فیضانِ عائشہ شعبہء حفظ وقرآت کا ایک مرکزی علمی قلعہ*
*بورابنڈہ* ۔ *حیدرآباد*
پئے علم چوں شمع باید گداخت کہ بے علم نتواں خدا را شناخت ۔۔۔۔۔۔۔۔ " ماخوذ از گلستاں " ( ترجمہ) علم کے حصول کے لئے شمع کی طرح پگھلنا چاہئے کیونکہ بغیر علم کے خدا کو پہچانا نہیں جا سکتا ۔۔۔۔۔۔۔۔۔۔۔ علم کی اہمیت و فضیلت و افادیت جملہ اہلِ خرد و دانشورانِ قوم و ملت کے مابین مسلم ہے ۔ علم و فضل یہ ایک ایسا عظیم سرمایہ ہے کہ انسان اس کے بدولت زمین کی پستی سے اٹھ کر آسمان کی بلندیوں کو مَس کرتا ہوا نظر آتا ہے ۔۔۔۔۔۔۔۔۔ علم جیسی پاکیزہ نعمتِ عظمیٰ کے باعث انسان جہالت کی تاریک وادیوں سے نکل کر رشد و ہدایت کے دلنشیں گلشنِ حیات کے گُلِ لالہ زار سے شب و روز اپنے مشامِ جاں کو معطر و معنبر کرکے اپنی آخرت کے زلفوں کو سنوارتا ہے ۔۔۔۔۔۔۔۔۔۔۔ اِس علم کی ترویج و تشہیر کا تسلسل عہدِ نبوی سے لیکر تا ہنوز چہار جوانب جاری و ساری ہے اور ان شاء اللہ الرحمن تا نفخِ صورِ اول قال اللہ و قال الرسول کے ارشادات و فرمودات کو عوام الناس تک پہنچایا جاتا رہےگا ۔۔۔۔۔۔۔۔۔۔۔۔۔۔۔۔۔۔۔۔۔۔۔ لا تعداد مبلغینِِ اسلام اس صفحہء ہستی پر اپنی حیات مستعار میں سے بیشتر اوقات و لمحات نکال کر علم و ہنر کی شمع فروزاں کرکے وقتِ اجل حیات جاویدانی کا جام پی کر مرجع خلائق بن گئے ۔
داعیانِ مذہب و ملت کے زمرے میں صاحبِ تلامذہء کثیرہ ، احسن الحفاظ و القراء ، مجود عصر ، داعئ بے باک ، فاتحِِ بورابنڈہ حضرت حافظ و قاری *عبد* *الواحد* رضوی نظامی صاحب قبلہ زید مجدہ و علمہ بانی مدرسہ فیضان عائشہ بورابنڈہ ۔ حیدرآباد ۔ تلنگانہ ۔ کا بھی نام نامی اسم گرامی قابلِ ذکر ہے یوں تو موصوف و ممدوح کی جائے تولد صوبہ ۔ بہار ہے ۔ لیکن انہوں نے اپنی زندگی کا نصف حصہ سے کہیں زائد ریاست آندرا پردیش ثم تلنگانہ کے تہذیب و ثقافت کا شہر حیدرآباد میں صرف کردیا ہے فقط دین و سنیت کی تبلیغ و ترسیل کی خاطر ۔۔۔۔۔۔۔۔۔۔ شہرِِ حیدرآباد میں ایک علاقہ بورابنڈہ کے نام سے موسوم ہے جہاں آج سے تقریباً چالیس ، پچاس سال قبل اہلِ دیابنہ و فرقہائے باطلہ کا تسلط و تغلب تھا ۔ لیکن فی الوقت اُس سر زمین پر حضور شہبازِ دکن علیہ الرحمہ ، حضرت علامہ و مولانا عبد الحی خان صاحب مینائ علیہ الرحمہ ، حضرت حافظ و قاری عبد الواحد صاحب قبلہ مد ظلہ العالی ، حضرت علامہ و مولانا شاہنواز صاحب قبلہ مد ظلہ النورانی ناظمِ اعلیٰ دار العلوم معینیہ رضویہ للبنات ۔ بورابنڈہ و مولانا ذاکر حسین اشرفی صاحب قبلہ ناظم اعلیٰ اشرف المدارس ۔ بورابنڈہ مزید برآں اِن مفکرین اہلسنت کے علاوہ اور بھی مقامی اور غیر مقامی علمائے ذوی الاحترام کی انتھک کوششوں کے باوجود مسلک اعلیٰ حضرت کا پرچم نہایت ہی شان و شوکت کے ساتھ ہر سو لہراتا ہوا نظر آرہا ہے
۔۔۔۔۔۔۔۔۔۔۔۔۔۔ اسی سرزمین بورا بنڈہ پہ 1998ء میں خادمِ اعلیٰ حضرت *حافظ* *عبد* *الواحد* صاحب کی آمد ہوئ اس وقت یہاں کے حالات مسلک و مشرب کے اعتبار سے نہایت ہی نا گفتہ بہ تھے ۔۔۔۔ ( المختصر ) حوادث زمانہ کا سامنا کرتے ہوئے موصوف امامت و خطابت جیسے منصب جلیل پہ فائز المرامی کا اظہار کرتے ہوئے 2006 میں ایک عظیم دانش گاہ ، فکر و شعور کا مخزن و منبع ، عشق و عرفان کا ایک روحانی علمی قلعہ دخترانِ اسلام و کنیزانِ فاطمہ کی علمی و ادبی تشنگی بجھانے کے لئے مدرسۃ البنات کی شکل میں ایک عدیم المثال ادارہ کو بطورہ اجارہ پردہء عدم سے معرض وجود میں لاکر سب کو محیر العقول کردیا جو کہ کئ سالوں تک وہی علم و ادب کا حسیں میکدہ *مدرسہ* *فیضان* *عائشہ* *للبنات* کے نام سے منسوب تھا چونکہ راقم الحروف کو حافظ عبد الواحد صاحب نے مدرسہ کے حالات ماضیہ کے متعلق ایک بار بتایا تھا کہ از 2006 تا 2020 ( عام الحزن ) یہ مدرسہ بچیوں کی تعلیم و تربیت کے لئے مخصوص تھا بعدہ لاک ڈاؤن لگنے کے سبب اور احوال وکوائف کے نشیب و فراز کے تغیر و تبدل ہونے کی وجہ سے بچیوں کے مدرسے کو مسدود و مقفل کرنا پڑا ۔۔۔۔۔۔۔۔۔ حالات کے سازگار ہونے کے بعد بطور استیناف جب اس مدرسہ میں تعلیم و تربیت کا آغاز ہوا تو اُس تاریخ سے لیکر تا ہنوز یہ علم و حکمت کا مرکز اب فقط مدرسہ فیضان عائشہ کے نام سے متعارف ہے جس میں خصوصیت کے ساتھ حفظ القرآن اور قرآت حفص کی تعلیم و تربیت دیتے ہوئے بورابنڈا میں جس کو اب مرکزی حیثیت حاصل ہے جہاں سے حفاظ و قراء ایک بڑی تعداد میں ہر سال فارغ ہوتے ہیں اور ماہ رمضان المبارک میں محراب سناکر ادارہ کا نام روشن کرتے ہیں
۔۔۔۔۔۔۔۔۔۔۔۔۔ کشاں کشاں جوق در جوق ہندوستان کے بلاد مختلفہ سے طالبان علوم نبویہ آکرکے اپنی علمی و ادبی تشنگی بجھا رہے ہیں ۔۔۔۔۔۔ ذی استعداد اور لائق و فائق معلمین کی نگرانی میں ادارہ ھٰذا ترقیوں کے منازل دن بدن طے کرتا ہوا نظر آرہا ہے ۔۔۔۔۔۔۔۔۔۔ مدرسہ ھٰذا میں دینی تعیلم و تربیت کے ساتھ ساتھ عصری تعلیم و تعلم کا بھی معقول انتظام و انصرام ہے جملہ طلاب کے خورد و نوش ، رہائش و آسائش ، قیام و طعام ، علاج و معالجہ کی ذمداری ادارہ ھٰذا کے سر ہے ۔۔۔۔۔۔ جس میں کہیں سے بھی کوئ باہری آمدنی کے ذرائع دستیاب نہیں ہیں فقط توکل علی اللہ کو پیش نظر رکھتے ہوئے حافظ عبد الواحد صاحب اس مدرسہ کو تعلیمی پہچان اور مسلک اعلیٰ حضرت کے پیغام کو عام سے عام تر کرنے کے لئے پوری عرق ریزی کے ساتھ شب و روز سرگرداں ہیں ۔۔۔۔۔۔۔۔۔
ابھی بھی یہ مدرسہ کرایہ پر ہی چل رہا ہے لائق ستائش اور قابلِ صد تحسین ہیں بانئ مدرسہ کہ جنہوں نے اپنی سعئ بلیغ کو بلند سے بلند تر رکھ کر سر زمینِ بورابنڈہ میں دین و سنیت کا کام نہایت ہی احسن طریقے سے کر رہے ہیں کہ ان کی اس ایثار و قربانی کو عرصہء دراز تک یاد رکھا جائے گا ۔۔۔۔۔۔۔۔۔۔۔ ہر سال مدرسے کا سالانہ جلسہ بڑی تزک و احتشام کے ساتھ انعقاد پذیر ہوتا ہے جس میں ایک درجن سے زائد حفاظِ کرام کے سروں پر علماء و مشائخ کے دست اقدس سے حفظ القرآن کا تاج زریں رکھ کر مزید اعزاز و اسانید سے بھی نوازا جاتا ہے اور نہ جانے اب تک کتنے حفاظِ کرام کی جماعت بانئ مدرسہ نے قوم کے حوالے کردیا ہے یہ سب موصوف کی خندہ پیشانی ، شیریں مقالی اور خلوص و للہیت کا ثمرہ ہے کہ آئے دن یہ مدرسہ عروج و ارتقاء کی منزلوں کو عبور کرتا ہوا نظر آرہا ہے ۔۔۔۔۔۔ ابھی چند روز قبل بانئ مدرسہ کی فرمائش کو ملحوظِ خاطر رکھتے ہوئے فقیرِِ امجدی نے مدرسہ ھٰذا کی شایانِ شان میں ایک ترانہ
*علم* *و* *حکمت* *کا* *نشاں* *مدرسہ* *فیضانِ* *عائشہ*
*تیری* *رفعت* *ہے* *عیاں* *مدرسہ* *فیضانِ* *عائشہ*
لکھ کر سوشل میڈیا کی دنیا میں تشہیر کیا تھا تو بحمدہ تعالیٰ احقر کا یہ لکھا ہوا ترانہ بڑا مقبولِ عام ہوا بعدہ اصدقاء و رفقاء و اساتذہء عظام نے خود بانئ مدرسہ نے بھی خوب دعاؤں سے نوازا ۔۔۔۔۔۔۔۔۔ جمیع رفیقانِ اہلسنت و رؤسائے شہر سے مؤدبانہ التماس و گزارش ہے کہ اس مرکز علم و ادب کی طرف اپنی توجہ مرکوز فرماکر اس کو تعمیری اور تعلیمی اعتبار سے مستحکم بنانے میں بانئ مدرسہ کے دوش بدوش کھڑے ہونے کی مساعئ جمیلہ کریں کہ آپ عند اللہ ماجور اور عند الناس مشکور ہوں ۔۔۔۔۔۔۔۔۔۔۔ اور عوام اہلسنت سے ایک اہم گزارش یہ بھی ہے کہ اپنے فرزندوں کو اس ادراہ میں داخلہ کراکے زیور علم و فن سے مزین و آراستہ کرکے ان کے مستقبل کو روشن و تابناک کریں ۔۔۔۔۔۔ فقط والسلام ۔۔۔۔۔۔۔۔ آخر میں اللہ رب العزت کی بارگاہ ایزدی میں یہ راقم الحروف صمیمِ قلب سے دعاء گو ہے کہ رب تبارک وتعالیٰ مدرسہ فیضانِ عائشہ کو دن بدن سربلندی و سرفرازی عطاء فرمائے اور بانئ مدرسہ و معلمین و طلاب کے علم و عمل میں خوب خوب برکتیں ، رحمتیں ، وسعتیں عطاء فرمائے ۔ آمین یا رب العٰلمین بجاہ سید المرسلین صلی اللہ تعالیٰ علیہ وسلم ...........
*العبد* *المذنب: *محمدقیصر* *رضا* *امجدی
*حیدرآباد* ۔ *تلنگانہ*
