تحریک اصلاح معاشرہ کے زیر اھتمام سیرت النبی ﷺ پر بارہ روزہ پروگرام
سدھارتھ نگر (نیپال اردو ٹائمز)
ربیع الاول شریف کے پر بہار موقع پر تحریک اصلاح معاشرہ اینڈ ویلفیئر سوسائٹی کے زیر اھتمام بارہ روزہ (از یکم تا ١٢ ربیع النور شریف) پروگرام تحریک کے ہیڈ آفس کمہریا و تمام برانچ آفس اور بہت سے گاؤں کے مساجد و مدارس میں کئی سالوں سے اس کا سلسلہ جاری و ساری ہے اور ان شاء اللہ عز و جل اس سال بھی تحریک کے بینر تلے 1500 (پندرہ صد سالہ) جشن ولادت کا خاص اہتمام کیا جائے گا، آج عوام الناس جتنی واقفیت حضرت امام حسین اور کربلا کے اس خونی منظر سے رکھتی ہے اتنی بھی واقفیت سرکار دوعالم ﷺ کی سیرت طیبہ سے نہیں رکھتی ہے اس کی وجہ یہ ہے کہ ہم محرم الحرام میں حضرت امام حسین رضی اللہ تعالیٰ عنہ اور ان کے جانثاروں کی شہادت کے بارے میں لوگوں کو بتانے کے لیے دس روزہ پروگرام کا انعقاد تقریبا ہر گاؤں اور شہر میں کرتے ہیں مگر کبھی عوام اہلسنت کو نبی اکرم ﷺ کی سیرت طیبہ بتانے کے لیے کسی خاص موقعے کا انتخاب نہیں کرتے ہیں اس لیے تحریک اصلاح معاشرہ اینڈ ویلفیئر سوسائٹی کے اراکین و مبلغین نے سیرت رسول اکرم ﷺ کے موضوع پر خطابات و بیانات سے لوگوں کے دلوں کو منور و تابناک کرنے کے لیے یہ قدم اٹھایا ہے ویسے تو ہر مسلمان نبی کریم ﷺ پر جان نچھاور کرنے کے لئے ہمہ وقت تیار رہتا ہے لیکن سیرت رسول اکرم ﷺ سے ناواقف و نامراد اور دشمنان اسلام حضور اقدس ﷺ کی شان اقدس میں گستاخیاں کر رہے ہیں اس لیے اس بات کی ضرورت اوربھی زیادہ بڑھ جاتی ہے کہ مسلمانوں کو سیرت النبی ﷺ اور محاسن اسلام سے واقف کرایا جائے اور صحیح طریقے سے اسلام کا پیغام ان کے ذہنوں تک پہنچایا جائے آج بھی اگر ہم یہ چاہتے ہیں کہ اسلام کی دعوت کو پذیرائی نصیب ہو اور یہ پیغام حق دلوں کی دنیا میں ہلچل پیدا کردے تو اس کی صرف یہی صورت ہے کہ قرآن کریم کی تعلیمات کے حسین خدو خال کو سیرت مصطفوی کے شفاف آئینہ میں لوگوں کو دکھایا جائے تاکہ جمال حق کو اپنےآنکھوں سے وہ دیکھ لیں اور اس کی فطرت کے آگے سر تسلیم خم کر دیں جب تک ہم حضور اکرم ﷺ کی سیرت مبارکہ کے مختلف پہلووں کو لوگوں کے سامنے اجاگر نہیں کریں گے ہم نہ اپنے فریضۂ تبلیغ سے عہدہ برآ ہو سکتے ہیں اور نہ اپنی باتوں کو لوگوں سے منوا سکتے ہیں نوع انسانی کو دین اسلام کی جس قدر آج ضرورت ہے اتنی شاید پہلے کبھی نہ تھی ترقی یافتہ قومیں اپنے تمدن اور ثقافت سے مایوس ہو چکی ہیں انہیں ضرورت ہے کہ وہ اسلام کے چشمہ شیریں سے اپنی پیاس بجھائیں اس لیے ہر وہ شخص جس کے دل میں انسانیت کے لیے درد ہے جو اپنے بھائیوں کی ضلالت وگمراہی پر بیچ وتاب کھاتا رہتا ہے جس کونبی کریم ﷺ کی نبوت اور دعوت پر کامل و اکمل ہونے کا یقین محکم ہے اس کا یہ خوشگوار فریضہ ہے کہ ان اندھیروں میں بھٹکنے والی مخلوق کی رہنمائی کے لیے حضور ﷺ کی سیرت مبارکہ کو بڑے مدلل اور دلکش انداز میں پیش کرے اسی مقصد کے پیش نظر تحریک اصلاح معاشر و اینڈ ویلفیئر سوسائٹی کے اراکین و مبلغین نے عزم کیا ہے کہ ولادت سرور کون و مکاں ﷺ کے اس پر بہار موقع پر بارہ روزہ پروگرام کا انعقاد کریں گے اور حتی الامکان سیرت نبوی ﷺ کے موضوع پر مسلمانوں کے مابین خطاب کرنے کی سعادت حاصل کریں گے اور سیرت مصطفٰی ﷺ کے اہم گوشوں سے مسلمانوں کو روشناس کرانے کی کوشش کریں گے لہذا علمائے کرام و ائمہ کرام سے گزارش ہے کہ آپ حضرات بھی اس پر بہار موقع پر اپنے یہاں مساجد و مدارس میں بارہ روزہ پروگرام کا انعقاد کریں اور عوام اہلسنت اس پر بہار موقع پر شرکت کر کے ضرور فائدہ اٹھائیں اور اپنے نبی کی سیرت طیبہ کو قریب سے جاننے کی کوشش کریں۔ اللہ تعالی ہم سب کو عشق رسول ﷺ کو حقیقی رنگ میں سمجھنے والا اور عشق رسول ﷺ کے رنگ اپنے پر چڑھانے والا بنائے۔ اور پروگرام کے ثمر آور اثرات ظاہر فرمائے۔ آمین۔
انشاء پرداز مفتی غلام محمد. فیضی
ہیڈ آفس:
کمہریا پوسٹ برگدوا کھکھری
ضلع سدھارتھ نگر یوپی الہند
