پاکستانی صدر کے نمائندوں کی نیپال کے سفارت خانے آمد
نیپال اردو ٹائمز
خصوصی رپورٹ
کاٹھمانڈو نیپال
سیلابی تباہی پر اظہارِ یکجہتی صدرِ پاکستان کی ہدایات پر سابق چیئرمین سینیٹ سید نیر بخاری اور صدر کے ترجمان مرتضیٰ سولنگی نے اسلام آباد میں نیپال کے سفارت خانے کا دورہ کیا اور گزشتہ ہفتے نیپال میں آنے والے تباہ کن سیلاب، لینڈ سلائیڈنگ اور چین۔نیپال سرحدی علاقے میں گلیشیئر پھٹنے کے نتیجے میں ہونے والے جانی و مالی نقصان پر صدرِ پاکستان اور پاکستانی عوام کی جانب سے گہرے دکھ اور ہمدردی کا اظہار کیا۔
پاکستان میں نیپال کی سفیر ریتا دھیتال نے دونوں نمائندوں کا استقبال کیا اور اس مشکل گھڑی میں حکومتِ پاکستان اور پاکستانی عوام کی جانب سے نیپال کے ساتھ اظہارِ یکجہتی اور تعاون پر دلی تشکر کا اظہار کیا۔
سید نیر بخاری اور مرتضیٰ سولنگی نے سفارت خانے میں موجود وزیٹرز بک میں اپنے تعزیتی اور یکجہتی کے پیغامات بھی درج کیے اور نیپال کے عوام کے ساتھ مکمل ہمدردی اور تعاون کا اظہار کیا۔
