सुस्ता गाउँपालिकाको विकासमा अध्यक्ष श्री टेक नारायण उपाध्याय ज्यू को अनुकरणीय भूमिका
सैयद गुलाम हुसैन मजहरी
केन्द्रीय अध्यक्ष – उलेमा काउन्सिल नेपाल
नवलपरासी!
नेपालको ग्रामीण तहमा दिगो विकास, समावेशी सोच र जनमुखी नेतृत्व आवश्यक छ भन्ने कुराको जीवित उदाहरण हुनुहुन्छ श्री टेक नारायण उपाध्यायज्यू, अध्यक्ष, सुस्ता गाउँपालिका। उहाँको नेतृत्वमा सुस्ता गाउँपालिकाले पछिल्ला वर्षहरूमा जुन रूपमा शिक्षा, स्वास्थ्य, पूर्वाधार, कृषि, धार्मिक सद्भाव तथा सामाजिक समावेशीताको क्षेत्रमा उल्लेखनीय प्रगति गरेको छ, त्यो सम्पूर्ण पालिकावासीहरूका लागि गर्वको विषय बनेको छ।
सबै वर्ग, जात, धर्म र समुदायलाई समान दृष्टिकोणले अगाडि बढाउँदै उहाँले सहिष्णु र समावेशी विकासको एक नमूना प्रस्तुत गर्नुभएको छ। अल्पसंख्यक समुदाय, विशेषगरी मुस्लिम समुदायप्रति देखाइएको सहानुभूतिपूर्ण व्यवहार र सहयोगले उहाँको नेतृत्व अझ चम्किलो बनेको छ। गाउँपालिकामा मुस्लिम पुस्तकालय स्थापना गर्नुभएको निर्णय मात्र होइन, त्यसको सफल कार्यान्वयनका लागि समेत गरिएको पहल अत्यन्तै सराहनीय छ। यसले समुदायमा शिक्षाको पहुँच र धार्मिक चेतनामा नयाँ ऊर्जा थप्नेछ।
त्यसका अतिरिक्त, सुस्ता गाउँपालिकामा हुने योजनाहरूमा पारदर्शिता, जनताको राय, र परिणाममुखी कामको प्रवृत्तिलाई उहाँले विशेष प्राथमिकता दिनुभएको पाइन्छ। यो दृष्टिकोणले सुशासनको परिभाषा जन–जनसम्म पुर्याएको छ। उहाँको प्रशासनिक कुशलता, सहज व्यवहार र दायित्वबोधले गर्दा पालिकामा आपसी समझदारी, भाइचारा र एकताको भावना अझ मजबुत भएको छ।
हामी आशा गर्छौं कि अध्यक्ष उपाध्यायज्यूको यो प्रतिबद्धता र दूरदर्शिता आगामी दिनहरूमा अझ प्रभावकारी रूपले अघि बढ्नेछ र सुस्ता गाउँपालिका विकासको नयाँ उचाइमा पुग्नेछ। धेरै धेरै शुभकामना अध्यक्षज्यूलाई — उहाँको सेवा, सोच र समर्पण सदैव प्रेरणादायी रहोस्! सैयद गुलाम हुसैन मजहरी केन्द्रीय अध्यक्ष ओल्मा काउन्सिल नेपाल
