نیپال اور بھارت نے نئی دہلی میں داخلہ سکریٹری سطح کی بات چیت کی
نمائندہ نیپال اردوٹائمز:
احمدرضاابن عبدالقادراویسی
نیپال اوربھارت کے درمیان داخلہ سکریٹری سطح کی بات چیت 22 جولائی ، 2025 ءکو نئی دہلی میں ہوئی بھارتی وفد کی قیادت حکومت ہند کے داخلہ سکریٹری جناب گووند موہن نے کی اور نیپال کے وفد کی قیادت حکومت ِنیپال کے داخلہ سکریٹری جناب گوکرنا منی دوادی نے کی ۔بات چیت کے دوران ، دونوں فریقوں نے باہمی سلامتی میں اشتراک کے ساتھ ساتھ سرحدی بندوبست کے تمام پہلوؤں کا جائزہ لیا اور اسے مزید مستحکم کرنے پر اتفاق کیا ۔ ان کی بات چیت میں سرحدی ستونوں کیرکھ رکھاؤ اور دیکھ بھال ، سرحد پار مجرمانہ سرگرمیاں ، بارڈر ڈسٹرکٹ کوآرڈینیشن کمیٹیوں کے کام کاج، سرحدی بنیادی ڈھانچے کو خاص طور پر آئی سی پیز ، سڑکوں اور ریلوے نیٹ ورک کو مضبوط بنانا ، سلامتی سے متعلق مختلف اداروں کو بااختیار بنانا اور صلاحیت سازی اور آفات سے متعلق خطرے میں کمی اور انتظام میں تعاون کو مستحکم کرنے کے طریقے شامل تھے ۔ انہوں نے مجرمانہ معاملات میں باہمی قانونی مدد سے متعلق معاہدے کے متن کو حتمی شکل دینے کا خیرمقدم کیا اور نظر ثانی شدہ حوالگی معاہدے کو جلد مکمل کرنے کی خاطر کام کرنے پر اتفاق کیا ۔